Nýttu tækifærið á meðan það er pláss á planinu!

Skráðu bílinn í umboðssölu hjá Brimborg

Nú getur þú komið með bílinn þinn í sölu til okkar því við nýtum tækifærið og fyllum planið hjá okkur af notuðum bílum!

Margir viðskiptavinir og aðrir áhugamenn hafa furðað sig á hvers vegna planið er nánast tómt hjá Brimborg þessa dagana. Skýringin er einföld. Við hjá Brimborg höfum lagt áherslu á að leita lausna til að koma okkur í gegnum mestu kreppu allra tíma sem bílgreinin hefur upplifað.

Meðal annars stofnaði Brimborg bílaleigu og núna, annað sumarið í röð, eru allir notuðu bílarnir nýttir í útleigu til erlendra ferðamanna sem greiða fyrir í beinhörðum gjaldeyri. Evrum.

Egill Jóhannsson, forstjóri Brimborgar, segir þetta dæmi um hvernig ein hugmynd geti orðið að stórri lausn á mörgum sviðum.

„Þessi lausn Brimborgar hjálpar samfélaginu, hjálpar fjármálastofnunum sem fá afborganir greiddar af bílunum, hjálpar starfsmönnum sem hafa vinnu, hjálpar Brimborg og auðvitað viðskiptavinum sem fá sína þjónustu og með þessu er þó einhver samkeppni í bílgreininni.“

Skráningarferlið

Þú kemur með bílinn til okkar og gefur upp nauðsynlegar upplýsingar: Tegund, tegund skiptingar, skráningarnúmer og akstur. Eigandi þarf að undirrita samþykki fyrir umboðssölu.

Við tökum myndir af bílnum, en eingöngu verða notaðar myndir sem teknar eru af starfsmönnum Brimborgar.

Ráðgjafi Brimborgar aflar gagna um bílinn í ökutækjaskrá og í Bíló, og jafnvel í bílakerfi okkar ef bíllinn er af merki Brimborgar. Því næst prentum við gögn úr ökutækjaskrá og verðmetum bílinn.

Eftir að bæði sölumaður og eigandi skrifa undir skráningareyðublað er bíllinn skráður í sölu- og netkerfi og að lokum stillt upp með söluspjaldi.

Komdu með bílinn á öruggan stað!