Brimborg lækkar verð á notuðum bílum

Einn af tilboðsbílunum. Ford Focus Trend 2006 á tilboði á 1690 þúsund.

Brimborg ríður á vaðið með verðlækkanir á notuðum bílum í kjölfar verðlækkana á nýjum bílum. Átakið verður kynnt næstu daga og verður hægt að skoða nýtt verð á notuðum bílum á notadir.brimborg.is en þar verða jafnframt einstök tilboð í gangi.

Sem dæmi má nefna að tilboðsbíll dagsins var Peugeot 307 XT 1,6 sjálfskiptur, skráningardagur 10/2006. Hann var fljótur að seljast á tilboðsverðinu kr. 1390 þúsund en fullt verð var kr. 1880 þúsund. Fleiri tilboðsbílar eru þó til og má einnig fylgjast með tilboðum á Facebook síðu Brimborgar. Enn er til dæmis á tilboði Ford Focus Trend, nýskráður í ágúst 2006, á kr. 1690 þúsund en hann var áður á kr. 1930 þúsund.

Úrvalið af bílum er gott og ættu flestir að finna eitthvað við sitt hæfi, hvort sem um jeppa, pallbíla, jepplinga, sportjeppa, fólksbíla, skutbíla, dísilbíla eða aðra sparibauka er að ræða.

Eftir verðlækkunina á notuðum bílum verður um sannkallað uppsveifluverð á bílunum hjá Brimborg Reykjavík og Brimborg Akureyri að ræða enda kynnir Brimborg átakið undir þeirri forskrift. Þjónustutilboð Brimborgar verða ennþá í boði og Brimborg minnir á að upprunalegir varahlutir hjá Brimborg eru einnig á góðu verði.

Söluráðgjafar Brimborgar bjóða upp á kaffi og kleinur á staðnum.